Германија, дестинација број еден за македонските азиланти

Минатата година безмалку 10 илјади барања за азил од македонски државјани биле поднесени до германските служби.

Податоците на Сојузната служба за миграција и бегалци покажуваат дека ако пред две години бројот на македонски азиланти изнесувал 1700 денеска е 5 пати повисок. Вицепретседателот на службата Михаел Гризбек за Дојче Веле, истакнува дека околу 130 илјади барања за азил минатата година пристигнале во Германија. Според него Србија е лидер во регионот по бројот на азиланти, додека Македонија е на 4-та позиција.

Од воведувањето на визната либерализација бројот на баратели за азил од Македонија во Германија континуирано бележи нагорен тренд. Тоа според Габриел Атанасов од МНР е поради фактот што германската регулатива им овозможува поволни услови на азилантите.
Од крајот на април 2011-та заклучно минатиот викенд МВР спречило излез на 15 илјади македонски државјани кои не ја почитувале европската регулатива.

Според последните статистики бројката на прифатени барања е минимална и просечно изнесува 0,3 проценти што треба да биде доволна причина да се обесхрабрат сите тие кои се надеваат на подобар живот во Германија.

{loadposition content9}