Бискупот што го негира Холокаустот ризикува затвор

Програмата на шведската телевизија за контроверзното свештеничко братство ССПЏ кое го негира Холокаустот доби правни консеквенци во Германија.

Jавниот обвинител во Регенсбург донел одлука да почне предистражна постапка против бискупот на ова братство Ричард Вилијамсон, кој во интервју за шведската телевизија отворено го негираше Холокаустот, а што е забрането во Германија.

Тој сега ризикува затворска казна во траење до пет години.

Интервјуто со контроверзниот бискуп предизвика големо меѓународно внимание при што многумина еврејски водачи изразија чудење од неговите изјави.

„Сметам дека историските докази силно зборуваат против тоа дека шест милиони Евреи биле масовно убивани во гасни комори, според некаква свесна политика од страна на Адолф Хитлер“, изјави бискупот Ричард Вилијамсон. во интервју за шведската телевизија.

{loadposition content9}