Ван дер Сар не се вараќа во репрезентацијата на Холандија

Голманот на Манчестер Јунајтед Едвин Ван дер Сар ја отфрли молбата на селекторот Берт Ван Марвик да се врати на голот на репрезентацијата на Холандија.

„Едвин ми соопшти минатата година дека репрезентацијата за него е затворена книга. Знаев каков ќе биде неговиот одговор, но, мое беше да се обидам да го вратам“, изјави селекторот Марвик за холандските медиуми.

Кризата на голманската позиција во Холандија е многу очевидна, откако Мартин Стекеленбург го загуби првотимскиот статус во Ајакс, а Хенк Тимер и Михел Ворм имаат проблеми со повреди.

Холандија на 1 април во Амстердам ја пречекува Македонија во рамки на квалификациите за пласман на Светското првенство 2010 во Јужна Африка.

{loadposition content9}