Categories
Спорт

Денес во Охрид почнува Светското првенство во ракомет за јуниорки

Македонската женска јуниорска репрезентација во салата „Билјанини извори“ во Охрид, вечер со почеток во 21 часот против селекцијата на Австралија го почнува Светското првенство во ракомет, кое ќе трае до 3 август.

Македонската женска јуниорска репрезентација во салата „Билјанини извори“ во Охрид, вечер со почеток во 21 часот против селекцијата на Австралија го почнува Светското првенство во ракомет, кое ќе трае до 3 август.

Мундијалот на кој ќе настапат 20 репрезентации ќе се одржува во четири градови низ Република Македонија – Скопје, Охрид, Гевгелија и Виница.
Романија, Словенија, Унгарија, Германија и Исланд кои натпреварите по групи ќе ги одиграат во Скопје се учесничките во групата А. Во Гевгелија ќе одиграат репрезентациите од група Б – Данска, Црна Гора, Казахстан, Ангола и Јапонија. Македонската селекција како дел од групата Ц ќе настапува во Охрид.

Останатите репрезентации во групата се Кореја, Хрватска, Бразил и Австралија. Во последната Д група која ќе одигра во Виница се наоѓаат избраничките на Шпанија, Франција, Аргентина, кинески Тајпех и Алжир.

Македонската селекција на натпреварувањата ќе настапи со 16 ракометарки – голманите Елизабета Стојановиќ (Металург-Скопје), Фросина Крстевска (Еуростандард Ѓ.П.) и Наташа Антиќ (Кастратовиќ), како леви крила во македонскиот состав се Ива Стојковска (Еуростандард Ѓ.П.) и Цветанка Срњакова (Кабран А.).

На десните крилни позиции ќе настапат Симона Николовска (Кометал Ѓ.П.) и Симона Гроздановска (Кале Кичево). Пикери во македонскиот состав се Марија Серафимова и Кристина Илиоска од Металург Скопје. На левите бековски позиции ќе настапат Ивана Петковска (Кометал Ѓ.П.), Марија Когој (Универс 1) и Елена Димковска (Вардар Осигурување).
На средните бековски позиции во македонскиот состав се јуниорките Марија Штериова (Еуростандард Ѓ.П.), Белма Беба (Металург Скопје), а како десни бекови Елена Георгиевска (Кометал Ѓ.П.) и Анета Анчева (Кожувчанка).

Селектор и тренер на македонската репрезентација е Новко Георгиевски, а помошник тренер е Крсто Петрушевски. Македонска судиска двојка на мундијалот се Ѓорѓи Начевски и Славе Николов.

 

Leave a Reply

Your email address will not be published. Required fields are marked *