Во саботата во Охрид во организацијана Едриличарскиот клуб„ АМАК СП
БОФОР“ и ЕДРИЛИЧАРСКАТА ФЕДЕРАЦИЈА НА МАКЕДОНИЈА се одржа Државното првенство во едрење во класата ОПТИМИСТ за јуниори, до 12 години. По мошне поволни временски услови и ветар со јачина до 5 бофори, во водите на Охридското езеро, најмладите македонски едриличари покажаа вистински мајсторства во едрењето борејки се мегу себе и со брановите повисоки од еден метар.
На првенството зедоа учество Едриличарските клубови „СНЕГАР“-Струга, „СТРМЕЦ“- Охрид и домакинот „АМАК СП БОФОР“-Охрид, со 17 едиличари.
На стандардно регатно поле се возеа четири трки. Државен првак за 2008 година е Дамјан Поп-Стефанија од „АМАК СП БОФОР“ кој успеа со две први, едно второ и едно четврто место во генерален пласман и во машка конкуренција да го освои првото место.
Во женска конкуренција, државна првенка е Бојана Радеска од „СТРМЕЦ“.
На првопласираните им беа доделени медали и пехари.
Резултати:
Генерален пласман/ Машка конкуренција
1. Дамјан Поп-Стефанија „АМАК СП БОФОР“
2. Александар Димески „АМАК СП-БОФОР“
3. Новица Велјаноски „СТРМЕЦ“
Генерален пласман/ Женска конкуренција
1. Бојана Радеска „СТРМЕЦ“
2. Ема Осавков „АМАК СП БОФОР“
3. Теодора Јанковска „СНЕГАР“