Бекам се врати во Милан

Бекам ќе игра за клубот од Милано, до јуни  2010 година а ова е вториот трансфер како позајмица од Лос Анџелес Галакси во Милан.

Фудбалерот уште пред да го прифати привремениот трансфер во Милан, изјави дека единствената причина поради која се согласил да дојде во Милан, е за да биде во добра форма пред стартот на Светското првенство кое ќе се одржи во Јужна Африка 2010 година.

„Морам да си ја дадам најдобрата шанса за да бидам дел од англиската репрезентација, а позајмицата во Милан ќе го направи токму тоа, “ изјави Бекам.

Во февруари 2010 година Бекам ќе има можност да игра против поранешниот тим Манчестер Јунајтед во нок- аут фазата од Лигата на шампионите.

Првата позајмица во Милан за Бекам беше во 2008 година кога помина три месеци во клубот од Милано, каде постигна 2 гола имаше пет асистенции на 18 натпревари од италијанската Серија А.

{loadposition content9}