Кери Фишер повторно како принцезата Леа

Актерката Кери Фишер која ја толкуваше улогата на принцезата Леа во оригиналната трилогија „Star Wars“ ќе ја повтори оваа улога во претстојното филмско остварување на „Star Wars: Episode VII“.

Во интервјуто за Palm Beach Illustrated кога била запрашана за тоа дали ќе се појави во најновиот филм, актерката одговорила потврдно. Еве како таа го гледа ликот денес:

„Постара жена која се наоѓа во интергалактички дом за стари лица. Мислам дека Леа ќе биде иста како и претходно, можеби сега малку побавна и помалку желна за големи битки“,смета Фишер.

„Star Wars: Episode VII“ во киносалите ќе се појави во 2015 година, а како режисер се појавува Џеј Џеј Абрамс, кој е ангажиран и околу новиот серијал филмови за „Star Trek“.

{loadposition content9}