За кампањата Недела за борба против гладот донираа охридскиот градоначалник и неговите соработници

 Локалната самоуправа по втор пат се приклучува во активностите на општинскиот Црвен крст во кампањата Ден против гладот.  На симболичен начин со личен пример градоначалникот, советниците и директорите на јавните претпријатија дадоа свој допринос во акцијата Денот на борбата против гладот. Сакаме да ги поттикнеме сите хумани луѓе и фирми да се приклучат секој според своите можности да помогнеме на ранливата  категорија сограѓани, истакна градоначалникот Никола Бакрачески.

Првиот човек на градот напомена дека со овие хумани активности колку и да се помага тие се симболични, но она што Локалната самоуправа треба да го прави и го прави, е да ја раздвижи локалната економија во Охрид. Како градоначалник за мене тоа е врвен приоритет отварање на нови работни места, потенцира Бакрачески. Посочи дека во Локалната самоуправа опаѓа бројот на граѓаните кои побарале помош.
„ Според неофицијалните податоци кои ги имаат определени надлежни државни и локални институции факт кој радува е дека бројот на социјално загрозени семејства во Охрид постепено  опаѓа“, кажа градоначалникот.  
  Сашо Точков, претседателот на општинскиот Црвен крст, испрати апел  оние кои имаат можност да ја покажат својата хуманост и да донираат финансиски средства,  прехранбени артикли како и средства за лична хигиена за им го олеснат животот на социјално загрозените 500 -тина семејства евидентирани во Охрид.

„ Ги повикувам сите поединци  и фирми да земат учество во  акцијата со наше малку може да направиме многу за оние кои немаат нити малку“, апелираше Точков.    

Претседателот на ОО на ЦК  ги повикува социјалните случаи и луѓето кои се на работ на егзистенција да не ја губат волјата  за работа. Во црвен кртс може да се обратат за помош , има  неколку програми за ангажман за пријавените луѓе, барем да ги покријат дневните трошоци за живот.  

{loadposition content9}