Охридското езеро денес се пориби со уште 300 кг јагула. Ова е четврто порибување во текот на оваа година со што во езерото вкупно е пуштен еден тон и 400 кг подмладок од овој вид риба. „Според показателите годишниот излов на јагула се движи од 11 до 15 тони па на овој начин се одржува оптимумот во езерото“, вели Д-р Бане Палашевски, директор на Институтот за сточарство. Младите јагули се тешки 50 грама е се одгледувани во специјален рибник во Грција. Порибувањето вообичаено се врши на три пункта и тоа кај Пештани, Радожда и Калишта, а годинава подмладок се фрли и кај охридското пристаниште.
Со денешната акција заврши порибувањето на езерото со јагула за оваа година. Во месец септември ќе се врши порибување со подмладок на пастрмка.

Leave a comment

Your email address will not be published. Required fields are marked *

%d bloggers like this: