Categories
Охрид

Илинден се слави во Охрид

Охрид се приклучи кон одбележувањето на големиот национален празник Илинден.

Во рамки на прославата, градоначалникот на општина Охрид, Александар Петрески, свечено пушти во употреба 7 улици. Дел од нив делумно беа реконструирани, а врз останатите беше извршена целосна санација.

Симболично во употреба беа пуштени улиците: „Момчило Јорданоски“,, „Даме Груев“, „Партизанска“, „Спас Банџов“, „Дејан Војвода“, „Бистрица“, и „Хаџи Мустафа“.
Прославата беше заокружена со коктел во еден од ретките, убаво уредени дворови во градов, на плаво-белите згради на влезот од Охрид, каде неодамна беше изградено и спортско игралиште.

„ Намерата ни беше да кажеме како треба да се уредува еден двор и како треба да функционира соработката помеѓу Месните заедници и Локалната самоуправа. Ние ќе ја подржиме секоја иницијатива за уредување како оваа“, потенцира градоначалникот Петрески.

Инаку, централната прослава на празникот Илинден се одржа вчеравечер во селото Велгошти.

„ Прославата ја започнавме во Велгошти, а ја заокружуваме со денешниот Мал маратон“, рече градоначалникот.

Петрески, за претстојниот верски празник Пресвета Богородица, најави пуштање во употреба на уште неколку инфраструктурни зафати, реализирани од страна на Локалната самоуправа.

Leave a Reply

Your email address will not be published. Required fields are marked *