Светскиот ден на глувите лица традиционално одбележан со спортски игри

Со спортски игри одбележан светскиот ден на глувите лица. По петти пат денес во Охрид 12 општини од Македонија се натпреваруваа во пет дисциплини.  Учесниците од Здружението на глуви и наглуви лица од Македонија велат дека не е важно натпреварувањето туку дружбата и нивната социјализација.

 |  Јаковлева Лионела  | 
igri
игри

28ми септември, светскиот ден на глувите лица, здружението на глуви и наглуви лица од Македонија, традиционално го одбележа со спортски игри. По петти пат 12 општини од Македонија се натпреваруваа во пет дисциплини и тоа баскет, фудбал, одбојка на песок, куглање и фрлање ѓуле. Во натпреварите учествуваа 60 лица од кои 40 мажи и 20 жени. Тихо Русовски, претседателот на спортската федерација на глуви и наглуви лица на Македонија задоволен што лицата од оваа ранлива категорија и оваа година се собраа во толкав број да го одбележат овој ден. Не случајно секоја година игрите се одржуваат во Охрид.игри

Охрид е идеален за вакви игри. Прекрасното време, убавите терени природата и езерото се незаменливи, изјави Тихо Русовски, претседателот на спортската федерација на глуви и наглуви лица на Македонија

Илија Илиевски, еден од натпреварувачите со нескриено задоволство кажа дека секоја година учествува на овие игри и тоа во сите дисциплини. Тој додаде дека во никој случај не би го пропуштил овај настан.

Важно е дружењето а не натпреварувањето. Овој ден за нас е многу значаен бидејќи на едно место сме собрани од цела држава, рече Илија Илиевски, натпреварувач.

И жените рамо до рамо со своите колеги се натпреваруваа во сите дисциплини кои се застапени во овие спортски игри. Ленка Климовска најмногу сака да игра кошарка но не е лоша и во куглање. Таа вели дека спортот е застапен и во секојдневниот живот на овие лица. Голем дел од нив се занимаваат рекреативно со спорт, а има и такви кои се посериозни спортисти со постигнати завидни резултати.

Глувонемите  лица генерално се задолни од третманот на државата и Здружението на глуви и наглуви лица во Македонија, изјави Ленка Климовска, натпреварувач.

Климовска порача повеќе внимание да се обрне на младите кои имаат проблем со слухот и говорот и што повеќе да се социјализираат и внест во општествениот живот бидејќи тие и тоа како се способни за тоа.

{loadposition content9}

Со Вашата регистрација, неделно ќе добивате е-порака со најважните информации од регионот.


© All rights reserved. Powered by YOOtheme.
Back to Top