Пожарот кај Велес сеуште активен

Пожарот покрај пругата Скопје-Велес, кај село Сл’п, кој започна вчера во 13 часот и натаму е активен, информира Центарот за управување со кризи, додавајќи дека огнот зафаќа површина од околу 200 хектари и дека горат нискостеблеста шума, трња и габер.

Моментално на терен е екипа од Шумското стопанство „Бабуна“ со 10 вработени и шест пожарникари од велешката противпожарна единица со две возила.

Како што соопштуваат од ЦУК, не постои можност за проширување на пожарот кон село Карабуњиште и село Сл’п.

Пожарот во 13 часот во горниот фронт е ставен под контрола, додека во долниот дел околу железничката станица, заради временските услови, односно појава на ветер, истиот повторно е активен и е во непристапен терен – велат оттаму.

Од страна на „Македонски железници“ се доставени околу 200 литри вода, а воедно активиран е и противпожарниот воз.

Извор-МИА