Categories
Македонија

Грчките новинари велат – решете го спорот со името

Грчките новинари не советуваат да го решиме што побрзо спорот со името, за да не трпи економијата. Тие тврдат дека за прашањата кои ги засегаат двете земји информираат реално и непристрасно.

 

Македонија треба да работи на што побрзо решавање на спорот со Грција околу името, затоа што само така ќе се решат и економските проблеми меѓу двете земји – сметаат грчките новинари кои деновиве известуваа од Самитот на претседатели.
Тие изразија жалење што политиката длабоко навлегла и во сферата на економската размена меѓу двете земји.  
Ѓоргиос Грегоријатис, новинар од ТВ Антена – Грција изјави: проблемите со прелетите на авионите се од многу поодамна. Тоа е договор кој е постигнат со државната грчка авио- компанија Олимпик, која едноставно си ги штити интересите на самата компанија. Проблемот е поради заштита на авионскиот превоз, а не поради името. А, проблемите за кои деновиве слушаме во медиумите, како што е забраната за вашите студенти да доаѓаат во Грција, банкарските проблеми при испраќањето на пари, за жал влегуваат во политичка сфера и тоа е најголемиот проблем- што политиката се меша во економијата. Затоа, велам, што побрзо мора да се реши сето тоа.

Во интерес на вистината, ние како професионалци, сме обврзани реално и непристрасно да известуваме за актуелните настани меѓу двете земји- вели новинарот од најолемата грчка национална телевизија. Иако звучи неверојатно, ние во прв план ги ставаме убавите вести од вашата земја, а потоа информираме за проблемите и инцидентите, како оној последниот со свастиката на билбордот на уметникот Ботев- рече Грегоријатис.
Најголемиот број меѓународни новинари кои известуваа од Самитот на претседатели, изразија безрезервна подршка на Македонија за спорот со Грција. Според уредникот на познатата национална ТВ од Босна и херцеговина, Саша Илиќ, Македонија со години е жртва на уцена од грчка страна. Грците се тврдоглави и не поттикнуваат дијалог и соживот, што значи- нивното однесување воопшто не е европско. Според него, Грција се однесува арогантно, но многу фактори и одат во прилог. Долго е членка на ЕУ и НАТО и затоа беше извесно дека ќе го искористи тој свој аргумент, тоа свое право. За жал, Македонија не е во процес на интеграција и не е членка и затоа не може како Грција да влијае на некои одлуки. Мислам дека Македонија без потреба сето ова време е изложена на едно уценување- рече Грегоријатис.
Слично е и мислењето на колегите од турската национална телевизија. Сихана Реџеп, од Национална ТВ ТРТ- Турција вели: Нашиот претседател го подржува вашиот претседател во врска со ова прашање. Турскиот претседател, Абдула Ѓул, секаде вели дека Македонија е во право. Секогаш ја подржува оваа земја.   
И покрај различните мислења за македонско- грчкиот спор со името, новинарите се согласија- самитот протече без поголеми пропусти, што според нив, е заслуга на организацијата, но и љубезноста на домаќините.

Leave a Reply

Your email address will not be published. Required fields are marked *