Од 1-ви јули стартува забрана за увоз на возила со ЕУРО-3 стандард

Рокот за увезување на половни возила што се постари од 2005 истекува на 1-ви јули.
30-ти јуни е последниот ден кога мора да биде платена царината и да бидат завршени увозните процедури, а рокот за хомологација засега е неограничен.

Од тогаш ќе можат да се увезуваат само автомобили со стандард Еуро 4 или повисок.

Според Царинската управа, податоците велат дека во првите два месеци од 2016 во Македонија се увезени 4.209 половни возила.

Тоа е двојно повеќе од истиот период лани, кога во Македонија биле внесени 2.514 возила. Рекордна година за увозот на половни возила е 2010, кога со законски измени беше олеснет увозот на стари коли со стандард понизок од Еуро 4.